Galw am gydweithrediad rhwng y pleidiau – 02/05/08

Yn dilyn etholiadau’r Cyngor Sir, Plaid Cymru yw’r grwp mwyaf ar y Cyngor ac maent yn galw ar y pleidiau i gyd-weithio er lles y sir.

Dywedodd arweinydd grwp y Blaid y Cyngh. Peter Hughes Griffiths:

"Yn ein maniffesto ar gyfer yr etholiad hwn fe ddywedon ni ein bod am ddemocrateiddio’r Cyngor, gan sicrhau fod llais i bob cynghorydd o bob plaid. Mae’r system cabinet sy’n cynnwys aelodau o rai pleidiau’n unig, ac sy’n gwneud penderfyniadau heb fewnbwn gan gynghorwyr eraill, yn wallus ac annheg."

"Bydd parhau â’r glymblaid rhwng y grwp Annibynnol a’r Blaid Lafur, gan gau allan Plaid Cymru, y grwp mwyaf ar y Cyngor, yn golygu gwrthod llais mwyafrif o boblogaeth y sir."

"Galwn am sefydlu bwrdd o’r holl bleidiau i reoli’r sir, a galwn ar y pleidiau eraill i gydnabod canlyniad yr etholiad a gweithio gyda ni i gyflawni’r nod hwnnw."