Sir Gaerfyrddin ar darged i gael statws Masnach Deg  -  08/08/07

Penderfynodd Cyngor Sir Caerfyrddin i gefnogi’r symudiad i gael statws sir Masnach Deg. Gan ddiolch i’r Cyngor am eu cefnogaeth, dywedodd y Cyngh. Fioled Jones, aelod o’r pwyllgor llywio, yr wythnos hon:

"Dyma’r cam cyntaf yn unig, ond nawr fod y Cyngor wedi cytuno i gefnogi’r symudiad, gallwn barhau’n hyderus i wneud y gwaith caled angenrheidiol."

"Penderfynodd y Cyngor i weini te a choffi Masnach Deg yn unig yn ei gyfarfodydd ac yn ei swyddfeydd a chantinau, ac i godi ymwybyddiaeth y cyhoedd drwy’r sir. Mae angen i ysgolion hefyd fod yn ymwybodol ac i hyrwyddo Masnach Deg."

"Y nod yw cael o leiaf 35 siop i gefnogi’r cynllun yn ogystal ag o leiaf 17 restaurant a gwesty. Cynhwysa’r cynllun nwyddau megis siocled,mel, siwgwr, bananas, suddoedd a dillad yn ogystal â the a choffi."